थप १३५३ जहनमे कोरोना संक्रमण पुष्टि

काठमाडौं, २६ असार । बिटल २४ घण्टामे शनिच्चर नेपालमे थप १ हजार ३ सय ५३ जहनमे कोरोना संक्रमण डेखाइल बा । यीसँगे नेपालमे कोरोना संक्रमितके संख्या ६ लाख ५४ हजार २ सय १२ पुगल स्वास्थ्य तथा जनसंख्या मन्त्रालय जनैले बा ।

अस्टेक, २४ घन्टामे १ हजार ४ सय ३२ जाने संक्रमित ठिक हुइल बटैं । यीसँगे संक्रमणमुक्त हुइनाके कूल संख्या ६ लाख १८ हजार ३ सय ६१ पुगल बा । कोरोनासे नेपालमे हालसम ९ हजार ३ सय ६२ जहनके मृत्यु हुसेकल बा । पछिल्का २४ घण्टामे २२ जाने मृतक थपल बटैं ।

देशभर सक्रिय संक्रमितके संख्या २६ हजार ४ सय ८९ रहल मन्त्रालय जनैले बा । ३०८ जाने क्वारेन्टाइनमे रहल मन्त्रालय जनैले बा ।

पछिल्का २४ घण्टामे ६ हजार ५३० जहनमे पीसीआर ओ ३ हजार ८ सय ८७ जहनमे एन्टिजेन परीक्षण करल रहे । शनिच्तरसम नेपालमे ३४ लाख ९९ हजार ४० पीसीआर परीक्षण हुइल बा ।