ब्राजिलहे हटाके अर्जेन्टिना कोपा अमेरिका च्याम्पियन
काठमाडौं, २७ असार । कोपा अमेरिका २०२१ के उपाधि अर्जेन्टिना जिटल बा । अँट्वार बिहान माराकाना स्टेडियममे हुइल फाइनल खेलमे ब्राजिलहे १–० गोलसे पराजित करटि अर्जेन्टिना च्याम्पियन बनल हो ।
अर्जेन्टिनाके जितमे विंगर एन्जल डी मारियासे करल गोल निर्णायक बनल । खेलके २२ औँ मिनेटमे रोड्रीगो डे पलसे डेहल लम्मा पासहे नियन्त्रण करटि गोलरक्षकके उप्परसे चिप करटि डी मारिया गोल करले रहैं ।
यीसँगे अर्जेन्टिना कोपामे १५ चोके च्याम्पियन बनल बा । जारी प्रतियोगिता एवं अन्तर्राष्ट्रिय फुटबलमे सुपरस्टार लियोनल मेस्सीके कप्तानीमे यी पहिल देशके लाग अन्तर्राष्ट्रिय उपाधि हो । मेस्सीके फुटबल करियरमे देशके लाग यी पहिल भारी उपाधि फेन हो । अर्जेन्टिना सन् १९९३ मे पछिल्काचो कोपा जिटल रहे । अर्जेन्टिना २०१५ ओ २०१६ के फाइनलमे चिलीसँग पराजित हुइल रहे ।
एकडम प्रतिस्पर्धात्मक खेलके सुरुवाती समयसे ब्राजिल बल पोसेसनमे पकड जमाके कुछ आक्रमण बनैलेसे फेन गोल करे नैसेकल ।
