लागूऔषधसहित २ पक्राउ

कञ्चनपुर, २७ असार । कञ्चनपुरमे लागूऔषधसहित २ जाने पक्राउ परल बटैं ।

जिल्लाके बेतकोट नगरपालिका ९ स्थित कृर्षि तालिम केन्द्र परिसरभित्तर लागूऔषधके कारोबार करुइया २ जाने पक्राउ परल हुइँट् ।

जिल्ला प्रहरी कार्यालय कञ्चनपुरस तथा मातहतसे खटल टोली अँट्वार बेतकोट नगरपालिका सुन्दरपुरके २५ वर्षिय गणेश विष्ट ओ २६ वर्षिय करन धामीहे पक्राउ करल हो ।

ओइनहे २ ग्राम ६० मिलिग्राम ब्राउन सुगरसहित फक्राउ करल जिल्ला प्रहरी कार्यालय कञ्चनपुरके प्रहरी प्रवक्ता शिद्धराज न्यौपाने बटैलैं । ओइनके थप अनुसन्धान हुइटिरहल प्रहरी जनैले बा ।