थप १८३१ जनामे कोरोना संक्रमण, २० के मृत्यु
काठमाडौं, २७ असार । बिटल २४ घण्टामे थप १ हजार ८३१ जहनमे कोरोना भाइरस संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार ५ हजार ५३५ पीसीआर परीक्षणमे १२३७ जाने ओ ३ हजार ६८३ एन्टिजेन परीक्षणमे ५९४ करके १ हजार ८३१ जहनमे संक्रमण पुष्टि हुइल हो ।
पछिल्का २४ घण्टामे काठमाडौं उपत्यकामे ३९१ जाने संक्रमित हुइल बटैं । जोनमध्ये काठमाडौं जिल्लामे २६३, भक्तपुरमा ३१ ओ ललितपुरमे ९७ जाने मिलल बा ।
पछिल्का २४ घण्टामे संक्रमणमुक्त हुइनाके संख्या १५३३ रहल बा ओ मृत्यु हुइनाके संख्या २० रहल बा ।
अस्टेक, सेती प्रादेशिक अस्पतालमे कोरोना भाइरस परीक्षण शून्य पागिल बा । पछिल्का २४ घण्टामे अस्पतालमे कोरोना परीक्षण नैहुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।
बिटल २४ घण्टामे अस्पतालसे ४ जाने डिस्चार्ज हुइल बटैं कलेसे थप २ जाने नयाँ संक्रमित भर्ना हुइल बटैं । हाल अस्पतालमे १४ जाने संक्रमित उपचाररत बटैं । जोनमध्ये १ जाने भेन्टिलेटर, २ जाने आईसीयूमे उपचारत रहल अस्पताल जनैले बा ।
