सेती अस्पतालमे १४ जहनमे कोरोना संक्रमण पुष्टि

धनगढी, २८ असार । सेती प्रादेशिक अस्पतालके प्रयोगशालामे करल परीक्षणमे १४ जहनमे कोरोना भाइरसके संक्रमण पुष्टि हुइल बा । बिटल २४ घण्टामे अस्पतालके प्रयोगशालामे १०२ नमूनाके परीक्षण करलमे १४ जहनमे कोरोना संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।

उहाँक अनुसार हाल अस्पतालमे १३ जाने संक्रमित उपचाररत बटैं । जोनमध्ये २ जाने संक्रमित आईसीयू, २ जाने भेन्टिलेटर ओ ९ जाने अक्सिजनके सर्पोटरमे उपचाररत बटैं ।

बिटल २४ घण्टामे २ जाने बिरामी ठिक हुके घर लौटल बटैं कलेसे ४ जाने अस्पतालमे भर्ना हुइल बटैं । २४ घण्टामे २ जाने कोरोना संक्रमितके मृत्यु हुइल अस्पताल जनैले बा ।