२४ घण्टामे १६९० कोरोना पुष्टि, १८ के मृत्यु

काठमाडौं, २८ असार । २४ घण्टामे देशभर १ हजार ६९० जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार सोम्मार टमान जिल्लामे करल ७ हजार ६८९ पीसीआर परीक्षणमे १ हजार ६९० जहनमे कोरोना पुष्टि हुइल हो ।

३ हजार ८९५ एन्टिजेन परीक्षणमे ६८० जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल २ हजार ३७० जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणमे कोरोना डेखाइलके संख्या ६ लाख ५७ हजार १३९ पुगल बा ।
नेपालमे कोरोना संक्रमण हुके ठिक हुइनाके संख्या ६ लाख २१ हजार २७ पुगल बा ।

मन्त्रालयसे डेहल जानकारी अनुसार देशभर करके थप १८ जहनमे मृत्यु हुइल बा । यीसँगे नेपालमे कोरोनासे मृत्यु हुइनाके संख्या ९ हजार ४०० पुगल बा ।