कैलारी गाउँपालिकाके सार्वजानिक सुनुवाई
पहुरा समाचारदाता
हसुलिया, २९ असार । कैलारी गाउँपालिकाको आर्थिक वर्ष २०७७/२०७८ को सार्वजानिक सुनुवाई तथा आर्थिक बर्ष २०७८/२०७९ के नीति, बजेट तथा कार्यक्रम सार्वजनिकीकरण कार्यक्रम सोम्मारके रोज निम्जल बा ।
गाउँपालिकाके अध्यक्ष लाजुराम चौधरीके अध्यक्षतामे हुइल कार्यक्रममे सुदूरपश्चिम प्रदेश सभा सदस्य वीरमान चौधरी वडका पहुना रहिट । उ गाउँपालिकाके चालू आर्थिक वर्षमे ५२ करोड ४९ लाख ३९ हजार रुप्या बजेट रहल रहे ।
ओस्टेक करके, कार्यक्रममार्फत गाउँपालिकाके आर्थिक वर्ष २०७८/७९ के बजेट ओ नीति तथा कार्यक्रम सार्वजनिक करल बा । अइना आर्थिक वर्षके लाग गाउँपालिकासे ६३ करोड ५१ लख ८५ हजार रुपैयाँ बजेट विनियोजन करल बा ।
गाउँपालिकाका उपाध्यक्ष लक्ष्मी सत्गौवा स्वागत करल कार्यक्रममे वडका पहुना वीरमान चौधरी अपन ठाउँके विकास निर्माणके कार्य अपने तरिकानुसार कैना आवश्यक रहेल बटैलै । उहाँ हरेक स्थानीय तहमे १५ शैय्याके अस्पताल निर्माणके लाग संविधानसे व्यवस्था करल बटैलै ।
ओस्टेक करके, गाउँपालिकाके अध्यक्ष लाजुराम चौधरीसे चुनावी प्रतिवद्धता अनुसार ९० प्रतिशत काम पूरा करल बटैलै । उहाँ जनचेतना अभाव ओ दलहुक्रे साथ नइडेना जैसिन कारणसे कतिपय काम करे नइसेकल उल्लेख करलै । अध्यक्ष चौधरी राजनीतिक दल, बुद्धिजिवी लगायतसे डेहल सहयोगके आधारमे गाउँपालिका चल्टी आइल ओ अइना दिनफे उहे अनुसार आघे बढना बटैलै ।
कार्यक्रममे माओवादी केन्द्रके कैलारी गाउँपालिका अध्यक्ष बतासु चौधरी, नेपाली काँग्रेसके रामचरण चौधरी, जनता समाजवादी पार्टीके होरीलाल चौधरी, राप्रपाके होमबहादुर गुरुङ, राष्ट्रिय जनमोर्चा नेपालके गोरेबहादुर विक बोलल रहिट ।
सामाजिक विकास अधिकृत यमग कलेल आर्थिक बर्ष २०७७/२०७८ आर्थिक प्रगति तथा आर्थिक बर्ष २०७८/२०७९ के नीति, बजेट तथा कार्यक्रम सार्वजनिकीकरण करल रहिट ।
उ अवसरमे कैलारी गाउँपालिकामे उत्कृष्ट कार्य करल कहटी १७ जाने कर्मचारीहे जनही १० हजार रुप्या पुरस्कारसहित सम्मान करल बा । सम्मानित हुइलमे प्रमुख प्रशासकीय अधिकृत खगेन्द्रराज जोशी, सामाजिक विकास शाखा प्रमुख यगम कलेल, स्वास्थ्य शाखा प्रमुख वीरेन्द्र सापकोटा, दीपकबहादुर खड्का, लीला भण्डारी, सोमप्रसाद चौधरी, बालकुमारी चौधरी, दीपेन्द्र चौधरी रहल बटै ।
ओस्टेक, हेल्थ असिस्टेन्ट कुसुम चौधरी, भीम ऐर, वडा सचिव मञ्जु अधिकारी, कम्प्युटर अपरेटर रविन्द्रकुमार चौधरी, ल्याब असिस्टेन्ट प्रदीप चौधरी सम्मानित हुइल बटै । ओस्टेक करके, सवारी चालक मनिष चौधरी, नारायण चौधरी, सेवानिवृत कार्यालय सहायक धनीराम चौधरी, कार्यालय सहायक बुझावन चौधरी, रविन चौधरी, आँखा उपचार केन्द्रके कार्यालय सहायक सुशीला चौधरी रहल बटै ।
ओस्टेक करके, उत्कृष्ट कार्य कैना वडा नम्बर ३ के वडा अध्यक्ष कैलाश चौधरी, वडा नम्बर ५ के वडा अध्यक्ष विष्णुप्रसाद चौधरी, वडा नम्बर ६ के वडा अध्यक्ष प्रेमबहादुर चौधरी ओ वडा नम्बर ७ के वडा अध्यक्ष कमलप्रसाद चौधरीहे पानी मोटरसहित सम्मान करल बा । ओस्टेक वडा नम्बर ७ के वडा कार्यालय उत्कृष्ट वडाके रुपमे सम्मानित हुइल बा ।
ओस्टेक करके, जनकल्याण माध्यमिक विद्यालय, जनता आधारभूत विद्यालयके प्रअ सुरेशचन्द्र महतो, समीक्षा बहुद्देश्यीय सहकारी संस्था, महिला स्वास्थ्य स्वयंसेविका मीरादेवी चौधरी, कमलपोखरी स्वास्थ्य आमा समूह, कृषक राजाराम चौधरी, भोजलाल चौधरी, बुझावन चौधरी सम्मानित हुइल बटै । ओस्टेक, एकल महिला चेरिया चौधरी, अपाङता केदारनाथ चौधरी ओ दलित महिला अधिकार मञ्च धनगढीहे सम्मान करल बा ।
ओस्टेक अपाङता हुइल व्यक्ति सुष्मिता चौधरी, डम्मरबहादुर चौधरी, अक्षकुमार चौधरी, ढोकराज थारु, पतिराम डंगौरा, सुनैना चौधरी, पुष्कर चौधरी, रामदुलारी चौधरी, रबिता चौधरी, सियारानी चौधरी, बुधनी डंगौरा थारु ओ कृष्ण कठरियाहे आवश्यक अपांगता सहायक सामग्री ह्वीलचियर प्रदान कैना गाउँपालिका जनैले बा ।
कार्यक्रममे गाउँपालिकाके वडा सदस्य, कार्यपालिका सदस्य, गाउँ सभा सदस्य, व्यापारी, भलमन्सा लगायतके सहभागिता रहल रहे । कैलारी गाउँपालिकाके आयोजना ओ पहुरा मिडिया प्रालिके सहजिकरणमे कार्यक्रम हुइल रहे ।
