बलात्कार आरोपमे वृद्ध पक्राउ
धनगढी, २९ असार । बझाङमे पाँच वर्षीया बालिका बलात्कार करल आरोपमे ६१ वर्षीय वृद्ध पक्राउ परल बाटै । जिल्लाके जयपृथ्वी नगरपालिका–७ के ५ वर्षीया बालिकाउपर बलात्कार करल आरोपमे ६१ वर्षीय वृद्धहे पक्राउ करल हो ।
बालिकाहे बलत्कार करल आरोपमे जयपृथ्वी नगरपालिका–७ के ६१ वर्षीया जगदिश जोशीहे पक्राउ करल जिल्ला प्रहरी कार्यालय बझाङके प्रहरी नायब उपरीक्षक रुपक खड्का बटैलै ।
प्रहरीके अनुसार असार १८ गते घरमे कोइ नैरहल मौका छोपके बालिकाहे मिठाई डेबु कहटी फकाके आपन कोठामे लैजाके बलत्कार करल बुझल बा ।
बालिकाहे जबर्जस्तीकरणी करल कहटी आफन्त जिल्ला प्रहरी कार्यालय बझाङमे उजुरी डेहलपाछे असार २७ गते अँट्वारके जोशीहे प्रहरी पक्राऊ करल हो ।
अँट्वारके पक्राउ परल जोशीउपर जबर्जस्तीकरणीके मुद्धा दर्ता कैके घटनाके बारे थप अनुसन्धन हुइटी रहल जिल्ला प्रहरी कार्यालय बझाङके प्रमुख प्रहरी नायब उपरीक्षक रुपक खड्का बटैलै ।
