सुप विश्वविद्यालयके डीनमे जोशी ओ केएमसी प्रमुखमे उपाध्याय नियुक्त

पहुरा समाचारदाता
धनगढी, ३० असार । सुदूरपश्चिमाञ्चल विश्वविद्यालयके व्यवस्थापन संकायके डीनमे प्राध्यापक डाक्टर पदमराज जोशी नियुक्त हुइल बाटै ।

तत्कालीन कैलाली बहुमुखी क्याम्पसके प्रमुख जोशीहे विश्वविद्यालयके कार्यकारी परिषद्से सुदूरपश्चिमाञ्चल विश्वविद्यालयके व्यवस्थापन संकायके डीनमे नियुक्त करल हो । ओस्टके परिषद् प्रा.डा. भवानी चन्द ठकुरी विश्वविद्यालयके विज्ञान प्रविधि संकायके डीनमे नियुक्त करले बा ।

यहोर कैलाली बहुमुखी क्याम्पसके क्याम्पस धनगढीके प्रमुखमे प्राध्यापक डाक्टर धर्मराज उपाध्याय नियुक्त हुइल बाटै । क्याम्पस प्रमुख प्रा.डा. जोशी सुदूरपश्चिमाञ्चल विश्व विद्यालयके व्यवस्थापन संकायके डीन नियुक्त हुइलपाछे सुदूरपश्चिमाञ्चल विश्वविद्यालय कार्यकारी परिषद्से डा. उपाध्यायहे क्याम्पस प्रमुखमे नियुक्त करल हो ।