२४ जनहनमे कोरोना पुष्टि

धनगढी, ३० असार । धनगढीस्थित सेती प्रादेशिक अस्पतालके प्रयोगशालामे बुधके करल परीक्षणमे २४ जनहनमे कोरोना भाइरसके संक्रमण पुष्टि हुइल बा ।

अस्पतालके प्रयोगशालामे ९७ नमूनाके परीक्षण करेबर २४ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै । ओस्टके ७३ जनहनके रिपोर्ट निगेटिभ आइल बा ।

हाल अस्पतालमे १४ जाने संक्रमित उपचाररत रहल बाटै । जौन मध्ये २ जाने संक्रमित आईसीयूमे उपचाररत रहल बाटै । कलेसे, ८ जनहनके अक्सिजनके सर्पोटरमे उपचार हुइटी रहल बा । ओस्टके ४ जनहनके अवस्था भर सामान्य रहल बा ।

पाछेक २४ घण्टामे ३ जाने संक्रमित चोखाके घर गैल बाटै कलेसे थप ४ बिरामी अस्पतालमे भर्ना हुइल बाटै । ओस्टके १ जनहनहे अन्यन्त्र रेफर करल अस्पताल जनैले बा ।