बेहडाबाबामे महारुद्रि तथा महामृत्युञ्जन अनुष्ठान हुइना

पहुरा समाचारदाता
धनगढी, ३० असार । धार्मिक पर्यटकीय क्षेत्र बेहडा बाबा मन्दिरमे इहे सावन महिना भर ऐतिहासिक महारुद्रि तथा महामृत्युञ्जय अनुष्ठान, पञ्चदेव महाभारत प्रवचन एवं विश्व कल्याण श्रृंखारिक महा–आरती हुइना हुइल बा ।
बुधके धनगढीमे पत्रकार सम्मेलन कैटी उ कार्यक्रम बारे जानकारी करागिल हो । श्री बेहडा बाबा मन्दिर व्यवस्थापन सेवा समितिके आयोजनामे इहे सावन १ गतेसे ३२ गतेसम १ महिनासम उ महा–आरती हुइना जनाइल बा ।
आचार्य श्री सत्यराज अवस्थीके सत्संकल्पमे हुइना कार्यक्रममे हरेक दिन सकारे ५ बजेसे साँझ ६ बजेसम सन्ध्योपासन तथा योगाभ्यास, सकारे ६ बजेसे ८ बजेसम दैनिक विद्वान ब्राह्मणसे वैदिक पूजन तथा रुद्राभिषेकके कार्यक्रम रहल बा ।

ओस्टके सकारे ९ बजेसे दिनके १२ बसेसम दैनिक महाभारतके मूलपाठ पारायण एवं महामृत्युञ्जय जप, दिनके १ बजेसे ५ बजेसम दैनिक संगीतमय महाभारतके प्रवचन, साँझ साढे ५ बजेसे साढे ६ बजेसम दैेनिक विशेष विश्वकल्याणकारी श्रृंखारिक एवं संगीतमय महा–आरित हुइना जनाइल बा ।
कार्यक्रमके लाग धनगढी उपमहानगरपालिकासे ३ लाख आर्थिक सहयोग रहना जनाइल बा । धनगढी उपमहानगरपालिकाके नगरप्रमुख नृप बहादुर वड यहाँके धार्मिक पर्यटकीय क्षेत्रके विकास तथा पर्यटन प्रर्वद्धनके लाग बेहडा बाबामे टमान मेरिक सहयोग करल बटैलै । उहाँ श्रद्धालुहुक्रनके लाग खानेपानीसे लेके बासके लाग धर्मशाला, डगरघाट लगायतके निर्माण तथा स्तारोन्नती करल बटैलै ।
