भजनी नगरपालिकामे लगाइल ताला खुलल्

पहुरा समाचारदाता
भजनी, ३० असार । कैलालीके भजनी नगरपालिकामे उपप्रमुख छाँया देवकोटाके नेतृत्वमे जनप्रतिनिधिसे लगाइल ताला खोलल् बा । योजना तर्जुमा कैके नगर सभा कैना सहमति हुइलपाछे ताला खोलल् जनाइल बा ।

योजना तर्जुमा बिना रकम बिनियोजन कैके नगर सभा आयोजना करलपाछे सोम्मारके उपप्रमुख देवकोटा सहित वडा नम्बर १ के अध्यक्ष रबिन थापा, ५ के अध्यक्ष केशव बहादुर बुढा ओ ३ के अध्यक्ष विक्रम चौधरी तालाबन्दी करल रहिट ।

नगरपालिकाके कार्यालयमे लगाइल तालासे सोम्मारके आयोजना कैना कहल नगर सभा हुइ सेकल नैरहे । आब योजना तर्जुमा ओराके सहमतिके आधारमे नगर सभा आयोजना करजैना उपप्रमुख देवकोटा बटैली ।