मोहना लडियामे बाढ, सतर्क रहन आग्रह

धनगढी, ३१ असार । लगातारके वर्षाके कारण कैलालीके मोहना लडियामे बाढ आइलसँगे पानीके सतह बह्रल बा । लगातार ६ घण्टाके भारी वर्षाके कारण लडियामे पानीके सतह बह्रके खतराके तह पार करल हो ।

लडियामे पानीके सतह खतराके तह पार करल ओरसे बाढ पूर्वानुमान महाशाखा तटीय क्षेत्रके नागरिकहे सतर्क रहन आग्रह करले बा । अस्टेक महाशाखाके अनुसार आज कर्णाली, महाकाली लडियक कुछ सहायक लडियामे पानीके बहाव बह्रल बा ।

सुदूरपश्चिम प्रदेशके दार्चुला, बैतडी, डडेल्धुरा, डोटी, अछाम, कैलाली, कञ्चनपुर आसपास जिल्ला हुके बहना छोट लडियामे बहाव कुछ बह्रे सेक्ना हुइल ओरसे तटीय क्षेत्रके नागरिकहे सतर्कता अपनैना महाशाखाके आग्रह बा ।