सेती अस्पताल प्रयोगशाला परीक्षणमे १४ जहनमे कोरोना संक्रमण

पहुरा समाचारदाता
धनगढी, १ सावन । सेती प्रादेशिक अस्पतालके प्रयोगशालामे करल परीक्षणमे १४ जहनमे कोरोना संक्रमण पुष्टि हुइल बा ।

अस्पतालके प्रयोगशालामे गैल २४ घण्टामे ९४ नमूनाके परीक्षण करलमे १४ जहनमे संक्रमण पुष्टि हुइल सूचना अधिकारी दिलिपकुमार श्रेष्ठ जानकारी डेलैं ।

उहाँक अनुसार हाल अस्पतालमे १७ जाने संक्रमित उपचाररत बटैं । जोनमध्ये २ जाने संक्रमितके आईसीयूमे ओ ८ जाने संक्रमितके अक्सिजन सर्पोटरमे उपचार हुइटा ।

अस्टेक, ७ जहनके अवस्था सामान्य रहल बा । बिटल २४ घण्टामे थप २ बिरामी अस्पताल भर्ना हुइल बटैं कलेसे २ जाने संक्रमित ठिक हुके घर लौटल बटैं ।