बाढसे गोदावरीके ४० परिवार विस्थापित
अत्तरिया, १ सावन । कैलालीके गोदावरी नगरपालिकाके टमान वडाके बस्तीमे बाढ पेल्के ४० परिवार विस्थटापित हुइल बटैं । इलाका प्रहरी कार्यालय अत्तरियाके अनुसार बुधके रातसे अविरल वर्षासे चुरेसे निकरना भालुखोला ओ गोदावरी लडियामे आइल बाढसे वडा १ ओ ४ के टमान बस्ती जलमग्न हुइल बा ।
भालु खोलासे वनखेतके ४ ओ बास्कोठाका १० घरमे बाढ पेलल बा । उहाँहुक्रे छिमेकीके घरमे आश्रय लेना बसेका बटैं । ढल निकास नैहुके गोदावरीे नगरपालिकाके केन्द्र रहल अत्तरिया बजारसमेत जलमग्न हुइल बा । गोदावरीके गेटा मेडिकल कलेज आसपास क्षेत्रके बासिन्दाके घरभित्तर फेन स्थानीय खोलाके बाढ पेलल बा ।
वडा १३ गेटाके श्रीलंका शिविरके मुक्त कमैयाके घरभित्तर फेन मोहना लडियाके बाढ पेलल बा । शिविरके ३० परिवारहे उद्धार करके स्थानीय स्कुलमे ढरल बा । शिविरमे मोहना लडियाके बाढ पेलल हो ।
कैलालीके कर्णाली, मोहना, पथरिया, शिवगंगा, गौरीगंगालगायतके चुरेसे निकरना लडिया ओ उ लडियक सहायक लडियामे समेत भारी वर्षाले पानीके बहाव बह्रल ओरसे लडिया तटीय क्षेत्रके बासिन्दाहे सुरक्षा सतर्कता अपनैना आह्वान करल कैलाली जिल्ला प्रशासन कार्यालयके सूचना अधिकारी शिवराज जोशी बटैलैं ।
‘बाढ पूर्वअनुमान महाशाखासे संकेत करल लडिया ओ ओकर सहायक लडियामे सम्भावित बाढके जोखिमहे ख्याल करटि प्रहरी संयन्त्रके माध्यमसे स्थानीयहे पूर्वजानकारी करैना काम हुइल बा,’ उहाँ कलैं, ‘बाढपहिरो विपद् व्यवस्थापनके लाग कार्ययोजना फेन तयार करल बा ।’
