थप २,९३६ जहनमे कोरोना संक्रमण पुष्टि, ४३ के मृत्यु
काठमाडौं, १ साउन । बिटल २४ घण्टामे देशभर थप २ हजार ९३६ जहनमे कोरोना भाइरस संक्रमण पुष्टि हुइल बा ।
१४ हजार १८२ नमुना परीक्षण करलमे पीसीआरसे २ हजार ६ ओ एन्टिजेन परीक्षणमे ९३० जहनमे कोरोना संक्रमण डेखाइल स्वास्थ्य तथा जनसंख्या मन्त्रालय जनैले बा ।
अस्टेक २४ घण्टामे कोरोना संक्रमणसे ४३ जहनके मृत्यु हुइल बा कलेसे थप १ हजार ७७५ जाने ठिक हुइल बटैं ।
नेपालमे कोरोना भाइरस संक्रमितके कुल संख्या ७ लाख १२ हजार ३७३ पुगल बा । उमध्ये ९ हजार ५०६ जहनके मृत्यु हुइल बा कलेसे ६ लाख २८ हजार २४३ जाने संक्रमणमुक्त हुइल बटैं ।
मन्त्रालयके अनुसार देशभर रहल सक्रिय संक्रमितमध्ये २४ हजार २७४ जाने होम आइलेसनमे बटैं । अस्टेक, २ हजार ५५३ जाने संस्थागत आइसोलेसनमे बटैं । जोनमध्ये ५७८ जाने आईसीयू ओ १७४ जाने भेन्टिलेटरमे उपचार रहल बटैं ।
गैल २४ घण्टामे प्रदेश १ मे ७५३, प्रदेश २ मे ५७ तथा बागमती प्रदेशमे ७४० जहनमे कोरोना भाइरस संक्रमण पुष्टि हुइल बा । अस्टेक, गण्डकीमे २१८, लुम्बिनीमे १०३, कर्णालीमे ५१ ओ सुदूरपश्चिम प्रदेशमे ८४ जाने संक्रमित थपल बटैं ।
