ओली एमाले स्थायी कमिटी बैठक बलैलै

काठमाडौं, २ सावन । नेकपा एमाले स्थायी कमिटीके बैठक बलैले बा । एमाले अध्यक्ष केपी शर्मा ओली अँट्वर दिनके ११ बजे च्यासलस्थित तुल्सीलाल स्मृति भवनमे बैठक बलाइल हुइँट् ।

एमाले कार्यालयके सचिव शेरबहादुर तामाङके अनुसार विधान अधिवेशन ओ ४ गते बैठे लागल केन्द्रीय कमिटी बैठकबारे एजेण्डा तयके लाग छलफल करना स्थायी कमिटीके बैठक बलाइल हो । बैठकमे माधव नेपाल पक्षहे फेन बलाइल बा ।

शुकके फेन अध्यक्ष ओली स्थायी कमिटी बैठक ढरले रहैं । मने, नेपाल पक्षके उपस्थिति बिना शुकके बैठल बैठकसे १० बुँदे सहमतिहे अनुमोदन करले रहे । साथे, कार्यदलहे धन्यवाद डेटि कार्यदल विघटन हुइल घोषणा करल रहे ।