सार्वजनिक यातायातके नयाँ भाडादर सार्वजनिक
काठमाडौँ, २ सावन । सरकारसे वृद्धि करल सार्वजनिक यातायातके भाडादर सार्वजनिक हुइल बा । पेट्रोलियम पदार्थ ओ गाडीके पार्टपूर्जाके मूल्यवृद्धिहे आधार बनाके सरकार २० से २८ प्रतिशतसम भाडा बह्राइलमे भाडादर सार्वजनिक करल हो ।
सार्वजनिक भाडादर अनुसार सुदूरपश्चिमके एक रुटमे ५ सय रुपैयाँसम भाडा बह्रल बा । सार्वजनिक हुइल सूची अनुसार सबसे धेर काठमाडौं–अत्तरिया–मार्तडी रुटमे ५ सय ६५ रुपैयाँ भाडा बह्रके २ हजार ५ सय ८२ पुगल बा । काठमाडौँ–चैनपुरके २ हजार ६ से भाडा बह्रके २ हजार ५ सय ६८ पुगल बा ।
काठमाडौँ–धनगढीके भाडा यीआघेसम १ हजार ३ सय २१ रहलमे नयाँ सार्वजनिक भाडादर अनुसार १ हजार ६ सय ५७ पुगल बा । अस्टेक, काठमाडौँ–धनगढी–साँफेके १ हजार ८ सय ७२ भाडा रहलमे बह्रके २ हजार ३ सय ५० पुगल बा । काठमाडौँ–महेन्द्रनगरके १ हजार ३ सय ३२ भाडा रहलमे आब १ हजार ६ सय ७१ पुगल बा ।
अस्टेक काठमाडौँ–अत्तरिया–डडेल्धुरा हुके बैतडीके १ हजार ७ सय ८४ से बह्रके २ हजार २ सय ३८ पुगल बा कलेसे काठमाडौँ–अत्तरिया–सिलगढीके १ हजार ६ सय ७५ भाडासे बह्रके २ हजार १ सय २ पुगल बा । काठभाडौँ अत्तरिया डडेल्धुराके भाडा चार सय बह्रके १ हजार ९ सय ५३ पुगल बा ।
यातायात व्यवस्था विभागसे बनाइ कार्यदलके प्रतिवेदन अनुसार गैल असार २७ गते तत्कालिन भौतिक पूर्वाधार तथा यातायातमन्त्री बसन्त नेम्वाङके मन्त्री स्तरीय निर्णयसे अन्तर प्रदेश चल्ना सार्वजनिक यातायातके भाडादर कायम करल रहे ।
देशभरके रुटमे भाडादर
