थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ असार २६४९, मंगर ]
[ वि.सं २४ असार २०८२, मंगलवार ]
[ 08 Jul 2025, Tuesday ]

नेतृत्व लेना सफल हुइलमे बधाई

पहुरा | ३ श्रावण २०७८, आईतवार
नेतृत्व लेना सफल हुइलमे बधाई

राजापुर, ३ सावन । जोतपुर गाउँके नाम तथा इज्जत ढरना सफल नेतृत्व करल कटि युनिक स्पोर्टस् क्लब, बर्दिया २ जहनहे बधाई डेले बा । राजापुरमे हुइल एक कार्यक्रमके बीच शिक्षक नरेश चौधरी ओ युवा नेता सीताराम थारुहे बधाई डेहल रहे ।

नरेश हाले नेपाल सरकार सामाजिक विकास डिभिजन कार्यालय, नेपालगञ्ज, बाँके अन्तर्गत उत्कृष्ट शिक्षक, कर्मचारी तथा शैक्षिक संस्था प्रोत्साहन कार्यक्रम सञ्चालन मार्ग दर्शन, २०७८ के दफा ५ अनुसार उत्कृष्ट विद्यालय ओ उत्कृष्ट शिक्षकके रुपमा नगद २ लाख ५० हजार विद्यालयके ओरसे ओ १० हजार उत्कृष्ट शिक्षकके पुरस्कार पैले बटैं ।

नरेश हाल युवक माध्यमिक विद्यालय, जोगीगाउँके प्रधानाध्यापक हुइटैं । उहाँ यिहिनसे आघे युनिक नेपालके महासचिवके भूमिका निर्वाह करल, जंग्रार साहित्यिक बखेरीके संस्थापक सदस्य, थारु विद्यार्थी समाजके पूर्व केन्द्रीय सदस्य ओ थारु विद्यार्थी परिवार, महेन्द्र बहुमुखी, नेपालगञ्जके सल्लाहकारके भूमिका निर्वाह करसेक्ले बटैं ।

अस्टेक, युवा समाजसेवी सीताराम थारु हाले किल नेपाली काँग्रेस लुम्बिनी प्रदेश तरुण विभागके सदस्यमे मनोनित हुइलमे बधाई डेहल बा । युवा नेता थारु बर्दियाली थारु विकास मञ्च, काठमाडौंके केन्द्रीय अध्यक्ष, थरुहट/थारुवान युवा शक्तिके केन्द्रीय संयोजक ओ थारु विद्यार्थी समाज, प्रदेश नम्बर ५ के केन्द्रीय कोषाध्यक्षके भूमिकामे रहल बटैं ।

शैक्षिक ओ सामाजिक क्षेत्रमे महत्वपूर्ण भूमिका खेलल कटि कार्यक्रमके प्रमुख अतिथि भूमि सुधार तथा व्यवस्था पूर्वमन्त्री एवं युनिक नेपालके संरक्षक डा. गोपाल दहितके हातसे दोसल्ला ओढाके बधाई डेले रहैं । कार्यक्रममे डा. दहित युवाहुक्रे अपन गाउँठाउँके परिवर्तनके लाग अस्टेक लागे परना ओ अपन साथ जब फेन रहना बटैलैं ।

कार्यक्रममे युनिक स्पोर्टस् क्लबके अध्यक्ष रामस्वरुप थारुके अध्यक्षता हुइल रहे । कार्यक्रममे अध्यक्ष थारु जोतपुर गाउँके परिवर्तन ओ विकासमे लागल हरेक व्यक्तिहे अस्टेक सम्मान करना बटैलैं ।

जनाअवजको टिप्पणीहरू