प्रधानमन्त्री देउवासे विश्वासके मत लेना प्रस्ताव संसद् सचिवालयमे दर्ता
काठमाडौं, ३ सावन । प्रधानमन्त्री शेरबहादुर देउवासे प्रतिनिधिसभामे विश्वासके मत लेना प्रस्ताव संसद् सचिवालयमे दर्ता हुइल बा ।
विश्वासके मत लेना प्रस्ताव कानुनमन्त्री ज्ञानेन्द्रबहादुर कार्की सभामुखमार्फत संसद् सचिवालयमे दर्ता करासेकल सभामुखके सचिवालय जनैले बा ।
आज बैठना प्रतिनिधिसभाके दोसर बैठकमे प्रधानमन्त्री संविधानबमोजिम विश्वासके मत लेहे लागल हुइँट् ।
प्रधानमन्त्री देउवा विश्वासके मत लेना हुइलओरसे संसदमे प्रतिनिधि करटिरहल दल आन्तरिक गृहकार्यमे जुटल बटैं ।
प्रतिनिधिसभा बैठकआघे काँग्रेसके संसदीय दलके बैठक दिनके २ बजे बठल । पार्टी सत्तामे गैलपाछे आबके संसदीय भूमिका, विश्वासके मत लेना पार्टीमे ह्वीप जारी करना तथा सरकारहे प्रभावकारी बनैना लगायत विषयमे बैठकमे छलफल हुइल नेताहुक्रे बटैले बटैं ।
विकसित पछिल्का राजनीतिक घटनाक्रमबीच सत्ता सहयात्री दलसँग हुइल छलफलके आधारमे आजु विश्वासके मत लेना तयारी हुइल देउवा निकट एक नेता बटैलैं ।
