निर्घात कुटपिटपाछे गोसिया गोसिनियक कान कटलैं

बझाङ, ३ सावन । जिल्लाके जयपृथ्वी नगरपालिका–१, भण्डारगाउँके २१ वर्षिया जानकी नेपालीके उहाँक पति मनोज नेपाली कान कटले बटैं । कान कटके घाहिल हुइल जानकीके जिल्ला अस्पताल बझाङमे उपचार हुइटा ।

चार दिनआघे मनोज आफन्तसँग हाँसल आरोपमे निर्घात कुटपिट करके अपन बाँया कान काटडेहल जानकी बटैले बटि ।

‘जा हातमे परल ओहे सामानसे पिटल । मै ढललबाड चक्कुसे कान काटडेहल । काटल ठाउँमे दाँतसे चबाइल ओ रगत चुसल,’ जानकी कलि, ‘कटल कान मोर हातमे डेटि काल्ह मेडिकल जाके जोर मागिस कहिके भागल ।’

जानकीके कटल कानके शल्यक्रिया हुइल बा । मने, कान जोरना, नैजोरना निश्चित नैरहल चिकित्सकहुक्रे बटैले बटैं । मनोज विवाहके कुछ महिनासे अपनहे यातना डेना सुरु करल जानकीके आरोप बा । उहाँक चार, अढाई ओ १६ महिनाके ३ सन्तान बटैं ।

जिल्ला प्रहरी कार्यालय बझाङके प्रमुख डिएसपी रूपक खड्का ठाडो उजुरीमार्फत घटनाबारे जानकारी आइल ओ मनोजके खोजी करटिरहल बटैलैं ।