थप १,८०१ जनहनमे कोरोना संक्रमण, २३ जानेक मृत्यु
काठमाडौं, ३ सावन । पछिल्का २४ घण्टामे थप १ हजार ८०१ जनहनमे कोरोना भाइरस संक्रमण पुष्टि हुइल बा ।
स्वास्थ्य तथा जनसंख्या मन्त्रालयके अनुसार ६ हजार ६२८ जनहनमे करल पीसीआर परीक्षणमे १ हजार २२३ ओ तीन हजार जनहनमे करल एन्टिजेन परीक्षणमे ५७८ जाने करके १ हजार ८०१ जनहनमे कोरोना संक्रमण डेखल हो ।
कोरोना संक्रमणके कारण पछिल्का २४ घण्टामे २३ जानेक मृत्यु हुइल बा । ओस्टेक १ हजार ६६७ जाने संक्रमणमुक्त हुइल बटै ।
नेपालमे कोरोना संक्रमितके कुल संख्या ७ लाख १६ हजार ४९ पुगल बा । उ मध्ये ९ हजार ५५० जानेक मृत्यु हुइल बा कलेसे ६ लाख ३२ हजार ७४ जाने संक्रमणमुक्त हुइल बटै ।
देशभर रहल सक्रिय संक्रमितमध्ये २२ हजार ८३४ जाने होम आइसोलेसनमे रहल बटै कलेसे २ हजार ६५१ जाने संस्थागत आइसोलेसनमे रहल बटै । उ मध्ये ५६१ जानेक आईसीयू ओ १६५ जानेक भेन्टिलेटरमे उपचार हुइटी रहल बा ।
मन्त्रालयके अनुसार पछिल्का २४ घण्टामे प्रदेश १ मे १८५, प्रदेश २ मे ४२, प्रदेश ३ मे ५९२ जाने संक्रमित थपल बटै । ओस्टेक गण्डकीमे २५७, लुम्बिनीमे ८७, कर्णालीमे २१ ओ सुदूरपश्चिम प्रदेशमे ३९ जनहनमे कोरोना भाइरस संक्रमण देखल बा ।
कहाँ कटरा ठप्लै संक्रमित
नयाँ संक्रमितमध्ये ३३४ जाने काठमाडौं उपत्यकाके हुइट । जेम्ने काठमाडौंके २३४, ललितपुरके ६४ ओ भक्तपुरके ३६ जाने बटै ।
ओस्टेक चितवनमे १६१, कास्कीमे ११५, झापामे ८९, मोरङमे ४७ ओ रुपन्देहीमे ४५ जनहनमे संक्रमण पुष्टि हुइल बा । नवलपरासी पूर्वमे ३६, कैलालीमे ३१, बागलुङमे २९, नुवाकोटमे २५, धादिङमे २४ ओ स्याङ्जामे २० जाने संक्रमित थपल मन्त्रालयसे जनैले बा ।
