बागलुङमे विषाक्त दारु पिके ४ के मृत्यु
पहुरा |
५ श्रावण २०७८, मंगलवार
काठमाडौं, ५ सावन । बागलुङमे विषाक्त दारु पिके ४ जहनके मृत्यु हुइल बा कलेसे २ जाने गम्भीर बिराम परल बटैं ।
जिल्लाके गलकोट नगरपालिका–७, मल्मस्थित खानेपानी आयोजनामे काम करुइया मजदुरहुकनके दारु पिके मृत्यु हुइल हो ।
मृत्यु हुइनामे २१ वर्षिय दीपेन्द्र पुन, ३९ वर्षिय दूधबहादुर राना, ५१ वर्षिय रेखबहादुर राना ओ ३० वर्षिय प्रविन घर्ती रहल जिल्ला प्रहरी कार्यालय बागलुङ जनैले बा । ओइनके धौलागिरी अस्पताल बागलुङमे उपचारके क्रममे मृत्यु हुइल हो ।
दारु पिके गम्भीर बिराम परल ३८ वर्षिय खेमराज घर्ती ओ २६ वर्षिय रवीन्द्र पुनके धौलागिरी अस्पतालमे उपचार भइटा ।
ओइने सोम्मार स्थानीय दारुक डुकानमे ‘लोकल’ दारु पिले रहैं । दारुक डुकन्डारहे प्रहरी नियन्त्रणमे लेके अनुसन्धान करटिरहल जनैले बा ।
