नम्मा ओ छोट दुरीके सार्वजनिक यातायात संचालन करे पैना

पहुरा समाचारदाता
धनगढी, ६ सावन । जिल्ला प्रशासन कार्यालय कैलाली यिहे सावन ११ गतेसम लागु निशेधज्ञाके २ नम्बर बुदा संशोधन करटी नम्मा ओ छोट दुरीके सार्वजनिक यातायात संचालन करे पैना जनैले बा ।

विश्व विद्यालय, लोक सेवा आयोग लगायत निकायसे परिक्षाके कार्यक्रम सार्वजनिक हुइल ओरसे देशके टमान भागसे परिक्षार्थीहुकनके आवागमन समेटहे दृष्टिगत करके जनस्वास्थ्यके मापदण्डके पूर्णपालना हुइना करके मध्यम तथा नम्मा दुरीके सार्वजनिक यातायात संचालन करे सेक्ना जिल्ला प्रशासन कार्यालय कैलाली एक विज्ञप्ती जारी करटी जनागिल हो ।

कोभिड–१९ महामारीके रोकथाम तथा नियन्त्रण सम्बन्धमे नेपाल सरकार मन्त्री परिषदके मिति २०७८÷४÷४ गतेके निर्णय, कोभिड–१९ व्यवस्थापन अध्यादेश, २०७८ के दफा ४ ओ स्थानीय प्रशासन ऐन, २०७८ के दफा ६ के उपदफा (३) से डेहल अधिकार प्रयोग करके मिति २०७८/४/१ गतेसे सावन ११ गतेसम लागु हुइना करके जारी आदेशके अन्य बुदा यथावत रहना करके बुदा २ (क) मे संशोधन करल प्रमुख जिल्ला अधिकारी खगेन्द्र रिजालसे हस्ताक्षेरित विज्ञप्तीमे जनाइल बा ।