टोकियो ओलम्पिकः सफ्टबल खेल आजसे सुरु
काठमाडौं, ६ सावन । कोभिड–१९ महामारीसे एक वर्षपाछे सरल ३२ औं संस्करणके गृष्मकालीन ओलम्पिकके खेल आजसे शुरु हुइल बा ।
जापानमे आगामी शुकके उद्घाटन हुइना टोकियो २०२० ओलम्पिकके कुछ खेल भर दुई दिनआघे शुरु हुइल हो । जोनअनुसार आज सफ्टबलके प्रतिस्पर्धा सुरु हुइल बा । बुधके बिहान जापान ओ अष्ट्रेलियाबीचके सफ्टबल खेल हुइलबाड टोकियो २०२० के खेल शुरु हुइल हो ।
जापानके पिचर युकिके यएनो सफ्टबलके पहिल बल करले रहि । आज सफ्टबलके औरे दुई खेल फेन हुइटा । सन् २००८ पाछे हटाइल सफ्टबल टोकियोमे पुनः समावेश करल हो ।
फुकुसिमा अजुमा बेसबल स्टेडियममे हुइल पहिल खेलमे जापान अष्ट्रेलियाहे ८–१ से पराजित करले बा ।
आझु महिला फुटबलअन्तर्गत समूह चरणके ६ खेल हुइटा ।
पाँच वर्षपाछे हुइ लागल ओलम्पिककमे विशवभरके करिब ११ हजार खेलाडी प्रतिस्पर्धा करटैं ।
टोकियोमे अब्बे कोरोना भाइरससे आपतकाल घोषणा करलेसे फेन ओलम्पिकके खेल विना दर्शक खेलाजाइटा । यीबेर कोभिड–१९ के प्रोटोकल पालना करके खेल खेलाजाइ ।
