महाकालीके बहाव एक लाख क्युसेक नाघल

धनगढी, ७ सावन । महाकाली नदीमे पानीके बहाव बह्रलेसे फेन पश्चिमीनाका गड्डाचौकीसे नेपाल–भारत आवागमन आज बिहानसम रुकल नैहो । इलाका प्रहरी कार्यालय गड्डाचौकीके प्रहरी नायब निरीक्षक जीवन गुरुङ लडियामे पानीके बहाव एक लाख ४० हजार क्युसेक नाघल बटैलैं ।

उहाँसे डेहल जानकारी अनुसार महाकालीमे पानीके बहाव एक लाख क्युसेक पुगलबाड पुलमे नेंगघुम करना जोखिम हुइल कटि भारतीय पक्ष चार पांग्रे सवारीसाधनहे रोक लगैटि आइल बा ।

पुलसे यात्रुहे पैदल यात्रामे भर कौनो रोकटोक नैरहल गुरुङ जानकारी डेलैं । यहाँसे दैनिक चार सयसे पाँच सय नेपाली रोजगारीके लाग भारत जैटिरहल प्रहरी जनैले बा । “कुछ दिनयतासे भारतीय पक्ष पिसिआर परीक्षण रिपोर्टबिना भारत जाइ डेहटा”, उहाँ कलैं, “सीमामे भारतीय सुरक्षाकर्मी रोजगारीके लाग जैयुइयाके नागरिकता, आधारकार्डलगायतके कागजात भर हेरठ ।”