डडेल्धुरामे पहिरोसे भीमदत्त राजमार्ग अवरुद्ध

डडेल्धुरा, ९ सावन । पहिरोके कारण सुदूरपश्चिमके सात ठो पहाडी जिल्ला जोरना भीमदत्तपन्त राजमार्ग अवरुद्ध हुइल बा ।

शनिच्चर बिहान ९ बजेओर डडेल्धुराके आलीताल गाउँपालिका–१ के कटानमे सडक उप्परसे आइल पहिरोके कारण राजमार्ग अवरुद्ध हुइल प्रहरी जनैले बा ।

जिल्ला प्रहरी कार्यालय डडेल्धुराके प्रमुुख प्रहरी नायब उपरीक्षक (डीएसपी) महेन्द्र नेपाल पहिरोके कारण राजमार्ग अवरुद्ध हुइलओरसे गन्तव्यके लाग छुुटल सवारीसाधन कटालमे रोकल बटैलैं ।

पहिरो हटैना डोजरके प्रयोग करलेसे फेन उप्परसे अइना क्रम नैरुकलओरसे समस्या हुइल उहाँ बटैलैं । यीआघे बिफके रोज फेन भीमदत्तपन्त राजमार्ग अन्तर्गत आलीताल गाउँपालिका–१ मे पहिरो गैलरहे । डोजर प्रयोग करके स्थानीय प्रशासन राजमार्ग खुुलैले रहे ।