थप २,२३७ जाने कोरोना संक्रमित, १८ के मृत्यु
काठमाडौं, १० सावन । बिटल २४ घण्टामे देशभर २ हजार २ सय ३७ जहनमे कोरोना भाइरस संक्रमण पुष्टि हुइल बा । १३ हजार ८ सय ३४ नमुना परीक्षणमध्ये पीसीआरसे १ हजार ५ सय ३९ जाने ओ एन्टिजेन परीक्षणसे ६ सय ९८ करके २ हजार २ सय ३७ जहनमे कोरोना संक्रमण डेखाइल स्वास्थ्य तथा जनसंख्या मन्त्रालय जनैले बा ।
पछिल्का २४ घण्टामे कोरोना संक्रमणसे १८ जहनके मृत्यु हुइल बा कलेसे २ हजार ५० जाने ठिक हुइल बटैं ।
नेपालमे कोरोना संक्रमितके कुल संख्या ७ लाख ३४ हजार ७९९ पुगल बा । उमध्ये ९ हजार ७ सय १३ जहनके मृत्यु हुइल बा कलेसे २४ हजार ५ सय ८४ जाने होम आइसोलेसनमे बटैं । अस्टेक संस्थागत आइसोलेसनमे रहल २ हजार ६ सय ८० जानेमध्ये ६ सय ६६ जाने आईसीयू ओ १ सय ६८ जहनके भेन्टिलेटरमे उपचार हुइटा ।
मन्त्रालयके अनुसार प्रदेश १ मे ३ सय ९४, प्रदेश २ मे ६६ तथा बागमती प्रदेशमे ६९५ जाने संक्रमित थपल बटैं । अस्टेक गण्डकीमे २ सय ३२, लुम्बिनीमे १ सय ७, कर्णालीमे २६ ओ सुदूरपश्चिम प्रदेशमे १९ जाने कोरोना भाइरसके संक्रमण डेखाइल बा ।
कौन जिल्लामे कत्रा थप्लै संक्रमित ?
नयाँ संक्रमितमध्ये ६ सय २४ जाने काठमाडौं उपत्यकाके हुइट् । जेम्ने काठमाडौंके ४ सय ६८, ललितपुरके ८९ ओ भक्तपुरका ६७ जाने बटैं ।
अस्टेक मोरङमे १ सय ८७, कास्कीमे १ सय १४, सुनसरीमे ९४, बागलुङमे ७१, झापमे ६३ ओ रुपन्देहीमे ४९ जहनमे कोरोना संक्रमण डेखाइल बा । मन्त्रालयके अनुसार सप्तरीमे २९, नुवाकोटमे २६, कञ्चनपुरमे १६, स्याङ्जामे १३, रौतहट ओ गुल्मीमा १२÷१२, सिरहा ओ धादिङमे ११÷११ तथा गोरखा ओ नवलपरासी पूर्वमे १०÷१० जाने संक्रमित थपल बटैं ।
