स्वास्थ्य राज्यमन्त्रीमे श्रेष्ठ नियुक्त
काठमाडौं, २० सावन । काँग्रेस सांसद उमेश श्रेष्ठ स्वास्थ्य तथा जनसंख्या राज्यमन्त्रीमे नियुक्त हुइल बटैं । प्रधानमन्त्री शेरबहादुर देउवाके सिफारिसमे राष्ट्रपति विद्यादेवी भण्डारी सांसद् श्रेष्ठहे राज्यमन्त्रीमे नियुक्त करलि ।
राष्ट्रपति कार्यालयसे जारी विज्ञप्तिमे संविधानके धारा ७६ के उपधारा (९) बमोजिम श्रेष्ठहे राज्यमन्त्रीमे नियुक्त करल उल्लेख बा । श्रेष्ठके नियुक्तिसँगे प्रधानमन्त्रीसहित मन्त्रिपरिषद् ६ सदस्सीय बनल बा ।
नवनियुक्त राज्यमन्त्री श्रेष्ठ हात्तिवनस्थित लिटिल एन्जल्स एजुकेसन ग्रुपके सञ्चालक हुइट् । उहाँ उच्च माध्यमिक विद्यालय संघ नेपाल(हिसान)के संस्थापक अध्यक्ष ओ निजी तथा आवसीय विद्यालय अर्गनाइजेसन नेपाल (प्याब्सन)के पूर्व अध्यक्ष हुइट् । उहाँ जनमैत्री अस्पतालके लगानीकर्ता समेत हुइटैं ।
यीआघे प्रधानमन्त्री शेरबहादुर देउवाके मन्त्रिमण्डलमे कानुनमे ज्ञानेन्द्रबहादुर कार्की, गृहमे बालकृष्ण खाँण, अर्थमे जनार्दन शर्मा ओ ऊर्जा मन्त्रीमे पम्फा भुसाल नियुक्त हुसेकल बटैं ।
