विद्यालय भवन निर्माणमे अनियमितताके आरोप
अछाम, ११ सावन । अछाममे विद्यालय भवन निर्माण ओ मर्मत सम्भारके योजनामे आर्थिक अनियमितता हुइल कटि छानबिनके माग करल बा ।
तुर्माखाद गाउँपालिका–६, रानीवनमे रहल ध्रुवतारा आधारभूत विद्यालयमे भवन निर्माण ओ मर्मत शीर्षकके २५ लाख बराबरके योजनामे अनियमिता करल कटि जिल्ला प्रशासन कार्यालयमे उजुरी परल हो ।
विद्यालयके संस्थापक शिक्षकसमेत रहल निर्माण समितिके अध्यक्ष भक्तप्रसाद न्यौपाने अँट्वार जिल्ला प्रशासन कार्यालयमे निवेदन डेटि उ योजनामे सांसद ओ प्राविधिकहे समेत रकम खवाइल विद्यालयसे अनियमितता करल ओरसे छानबिन करना माग करल हुइट् ।
उहाँ प्रदेश सरकारके सामाजिक विकास मन्त्रालयसे गैल आर्थिक वर्षमे विद्यालय भवन निर्माणके लाग डेहल २० लाख ओ मर्मत शीर्षकके पाँच लाखमे सांसद ओ प्राविधिक रकम असुलल दाबी करले बटैं ।
विद्यालयसे फर्जी रुपमे दस्तखत किर्ते करके पेस करल, मर्मत सम्भार शीर्षकके पाँच लाख रकम भुक्तानी नैडेके हिनामिना करल निष्पक्ष रुपमे छानबिन करके दोषीहे कारबाहीके दायरामे नन्ना माग करल बा ।
अछामके प्रमुख जिल्ला अधिकारी रुद्रबहादुर मल्ल विद्यालय भवन निर्माण ओ मर्मतके योजनामे अनियमितता हुइल कटि निवेदन प्राप्त हुइल ओरसे छानबिन करना बटैलैं । मने विद्यालयके प्रधानाध्यापक प्रकाशकुमार न्यौपाने भर उजुरी झुठ रहल दाबी करले बटैं ।
उहाँ उजुुरकर्ताके दाबीअनुसार कौनो मेरिक अनियमितता नैहुइल दाबी करटि बदनाम करैना उद्देश्यसे झुठ उजुरी डेहल बटैलैं ।
अछामके प्रमुख जिल्ला अधिकारी रुद्रबहादुर मल्ल विद्यालय भवन निर्माण ओ मर्मतके योजनामे अनियमितता हुइल कटि निवेदन प्राप्त हुइल ओरसे छानबिन करना बटैलैं ।
