कक्षा १२ के परीक्षा तयारीमे विद्यालय

काठमाडौँ, १२ सावन । राष्ट्रिय परीक्षा बोर्डसे कक्षा १२ के परीक्षा सावन ३१ गतेसे पूर्ण रूपमे विद्यार्थीके भौतिक उपस्थितमे सञ्चालन कैना निर्देशन डेहलसंगे विद्यालय परीक्षाके तयारी करे लागल बाटै । वैशाखमे हुइ पर्र्ना परीक्षाके कोर्ष फागुन चैतमे ओराइल रहे । कोरोना उच्च जोखिमके कारण सरल परीक्षा चाार महिनापाछे सावन ३१ गतेसे सञ्चालन हुइना तय हुइल बा ।

परीक्षा सावन ३१ गतेसे सञ्चालन हुउइना हुइलपाछे विद्यार्थीहुक्रे आपन अध्ययन करल विषयवस्तु लिख्ना ओ पह्रना बानी बिसराइल कहटी विद्यालयमे पुनःतयारीके दबाब डेहलपाछे विद्यालय सोमबारसे विद्यार्थीहे विद्यालयमे बोलाके कक्षा १२ के प्रि–बोर्ड परीक्षा सञ्चालन करले बाटै ।