सवा लाख नगद ओ चरेससहित दुई पक्राउ

धनगढी, १२ सावन । कैलालीमे सवा लाख नगद ओ साढे ५ किलो चरेससहित दुई जाने पक्राउ परल बाटै । जिल्लाके गौरीगंगा नगरपालिका वडा नम्बर ०८ गिदनियास्थित पूर्वपश्चिम राजमार्गसे दुई जनहनहे पक्राउ करल हो ।

गौरीगंगा नगरपालिका वडा नं. ११ शिवपुर बैठुइया ४० बरसके गोरख कना गोरे धामी ओ गोदावरी नगरपालिका वडा नं. ६ बैठुइया ३५ बरसके धनबहादुर धामीहे पक्राउ करल हो ।

सुदूरपश्चिम प्रदेश प्रहरी कार्यालय तथा इलाका प्रहरी कार्यालय मसुरिया कैलालीसे खटल संयुक्त प्रहरी टोली उहाँहुक्रनहे पक्राउ करल हो । उहाँहुक्रनठनसे ५ किलो ५०० ग्राम चरेस ओ एक लाख २० हजार नगद बरामद करल जिल्ला प्रहरी कार्यालय कैलालीके प्रहरी नायब उपरीक्षक प्रतिक विष्ट बटैलै ।