सांसद पदमे पुनर्बहालीके माग कैटी सर्वोच्चम रिट दायर

काठमाडौं, १३ सावन । नेकपा माओवादी केन्द्रसे एमाले प्रवेश करल चार नेता सांसद पदमे पुनर्बहालीके माग कैटी सर्वोच्च अदालतमे रिट दायर करले बाटै ।

नेता टोपबहादुर रायमाझी, लेखराज भट्ट, प्रभु साह ओ गौरीशंकर चौधरी आपनहे सांसद पदमे पुनर्बहाली कैना माग कैटी बुधके सर्वोच्चमे रिट दर्ता करल हुइट । फागुन २३ गतेके सर्वोच्च अदालतके फैसलासे नेकपा विघटन कैके एमाले ओ माओवादी केन्द्र अस्तित्वमे आइलपाछे उहाँहुक्रे माओवादी छोरके एमाले प्रवेश करल रहिट ।

ओकरपाछे माओवादी केन्द्रसे उहाँहुक्रनहे कारबाही कैटी सांसदसे पदमुक्त कैना संसद सचिवालयहे पत्र पठाइल रहे । माओवादी केन्द्रके पत्रके आधारमे सभामुख अग्निप्रसाद सापकोटा चारु जनहनके सांसद पद रिक्त हुइल जानकारी डेहल रहिट ।

सांसद पदसे मुक्त हुइल तीन महिनापाछे उहाँहुक्रे पुनर्बहालीके माग कैटी सर्वोच्च अदालतमे रिट दर्ता करल हुइट । चार पूर्वमाओवादी नेता अपनेहुक्रे नेकपा एमाले ओ माओवादी केन्द्रके संयुक्त घोषणापत्रके आधारमे डुनु दलके मतदाताके मतसे विजयी हुइल कहटी अपनेहुक्रे जनताके प्रतिनिधित्व करे पैना अधिकार कुण्ठित करे नैपैना बटैले बाटै ।