प्रधानमन्त्री देउवा ओ माओवादी अध्यक्ष प्रचण्डबीच भेटवार्ता
काठमाडौं, १४ सावन । प्रधानमन्त्री शेरबहादुर देउवा ओ माओवादी केन्द्रके अध्यक्ष प्रचण्डबीच भेटवार्ता हुइल बा ।
प्रधानमन्त्री निवास बालुवाटारमे हुइल भेटमे मन्त्रिपरिषद विस्तारबारे छलफल हुइल प्रधानमन्त्रीके सचिवालय जनैले बा ।
बिहान सत्ता गठबन्धनके बैठक बैठना कलेसे फेन देउवा ओ प्रचण्डबीचकिल भेटवार्ता हुइल हो । भेटवार्ता ओरवाके प्रधानमन्त्री देउवा सिंहदरबार प्रस्थान करले रहैं ।
बुधके बैठल सत्ता गठसत्ता गठबन्धनके बैठक कलि मन्त्रिपरिषद विस्तार करना ओ मन्त्रीहुक्रे टुंगो लगैना जिम्मा शीर्ष नेताहुकनहे डेना निर्णय करले रहे ।
गैल असार २९ गते प्रधानमन्त्री नियुक्त हुइल काँग्रेस सभापति शेरबहादुर देउवा अभिनसप फेन मन्त्रिपरिषद विस्तार करे सेकल नैहुइट । हाल सरकारमे काँग्रेस ओ माओवादी केन्द्रके दुई–दुई जाने मन्त्री ओ एक जाने राज्यमन्त्री किल बटैं । आब जसपाहे फेन समेटके मन्त्रिपरिषद विस्तार करना प्रधानमन्त्रीके तयारी बा ।
बुधके बैठकमे राष्ट्रिय जनमोर्चा ओ नेकपा एमालेके माधव नेपाल पक्ष भर सरकारमे सहभागी नैहुइना बटैले रहे ।
