थप २८ जनहनमे कोरोना पुष्टि
पहुरा |
१४ श्रावण २०७८, बिहीबार
धनगढी, १४ सावन । बिफेक रोज सेती प्रादेशिक अस्पतालके प्रयोगशालामे २८ जनहनमे कोरोना भाइरस परीक्षण पुष्टि हुइल बा ।
उ प्रयोगशालामे १२१ नमूनाके परीक्षण करेबर १८ जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै । ओस्टके ९३ जनहनके रिपोर्ट निगेटिभ आइल बा ।
पाछेक २४ घण्टामे अस्पतालसे ५ जाने डिस्चार्ज हुइल बाटै । कलेसे, ६ जाने अस्पतालमे भर्ना हुइल बाटै । हाल अस्पतालमे २१ जाने संक्रमित उपचाररत बाटै ।
जौन मध्ये ४ जाने आईसीयू, ११ जाने अक्सिजनके सर्पोटरमे उपचाररत बाटै कलेसे ६ जनहनके अवस्था भर सामान्य रहल सूचना अधिकारी श्रेष्ठ बटैलै । बिफेक रोज थपल मध्ये १५ जाने धनगढीके, ८ जाने कैलालीके ओ ५ जाने अन्य जिल्लाके रहल अस्पताल जनैले बा ।
