प्रहरीहे नागरिकमैत्री सेवा प्रवाह कैना निर्देशन
पहुरा समाचारदाता
धनगढी, १४ सावन । सुदूरपश्चिम प्रदेश प्रहरी प्रमुख प्रहरी नायव महानिरीक्षक पुरुषोत्तम कंडेल प्रहरीहे नागरिकमैत्री सेवा प्रवाह कैना निर्देशन डेले बटै ।
विफेक रोज सुदूरपश्चिम प्रदेश प्रहरी प्रमुख प्रहरी नायव महानिरीक्षक कंडेल जिल्ला प्रहरी कार्यालय कैलालीके आन्तरिक तथा वाह्य निरीक्षणके क्रममे उ निर्देशन डेहल रहिट ।
प्रहरी नायव महानिरीक्षक यी कार्यालयमे कार्यरत सक्कु प्रहरी कर्मचारीहुकनहे व्यक्तिगत स्वर्थसे उप्पर उठके व्यावसायिक एवं ठप जिम्मेवार बनके अनुशासित तवरसे प्रहरी आचरण व्यवहारके पालना करटी कौनोफे मेरिक प्रलोभनमे नइपरके कार्य सम्पादन कैना निर्देशन डेहल रहिट ।
उहे क्रममे उहाँ जिल्ला प्रहरी कार्यालयके प्रमुख प्रहरी उपरीक्षक विश्व अधिकारी सक्कु कैलाली जिल्लाके शान्ति सुरक्षाके अवस्था तथा वस्तुस्थितीके वारेमे प्रस्तुतीकरण करटी जिल्लाके अइना रणनितिक योजनाके वारेमे समेत जानकारी करैले रहिट ।
