समूह तथा संजालमे आवद्ध व्यक्तिहुकन साइकल वितरण
पहुरा |
१४ श्रावण २०७८, बिहीबार
पहुरा समाचारदाता
मसुरिया, १४ सावन । दलित महिला अधिकार मञ्च (डिडब्लुआरएफ) नेपाल धनगढीके आयोजनामे डिसिएके आर्थिक सहयोगमे समूह तथा संजालमे आवद्ध व्यक्तिहुकन साइकल वितरण बा ।
विफेक रोज कैलालीके गौरीगंगा नगरपालिका वडा नम्बर १० मे आयोजित एक कार्यक्रममे समूह तथा संजालमे आवद्ध २८ जाने व्यक्तिहुकन साइकल वितरण हो । गौरीगंगा नगरपालिकाके ४ वडाके २८ जनहन साइकल वितरण करल संस्थाके सहजकर्ता दानबहादुर विक जानकारी डेलै ।
मञ्चके गिप्त परियोजना अन्तर्गत वडा नम्बर ७, ९, १० ओ ११ के १४ ठो समूह तथा संजाल सदस्यहुकन साइकल वितरण उहाँ जनैलै ।
कार्यक्रममे वडा नम्बर १० के वडाध्यक्ष पदमबहादुर ऐर, कार्यपालिका सदस्य विनिता महर, १० के वडा सदस्य गौरीलाल चौधरी, मीना कठरिया लगायतके सहभागी रहे ।
