समूह तथा संजालके महिलाहुकनहे साइकल हस्तान्तरण
पहुरा समाचारदाता
धनगढी, १५ सावन । कैलारी गाउँपालिका ओ गौरीगांगा नगरपालिकाके दलित समूह तथा संजालमे आवद्ध महिलाहुकनहे साइकल हस्तान्तरण करल बा ।
डिसिएके सहयोगमे दलित महिला अधिकार मञ्च नेपालसेसंचालित गिफ्ट क्याटलग परियोजना अन्तर्गत दलित समूह तथा संजालमे आवद्ध महिलाहुकनहे दलित तथा महिलाहुकनके साझा सवालमे सचेतना, पैरवी तथा आर्थिक तथा सामाजिक सशक्तीकरण परिचालनमे टेवा पुग्ना उद्देश्यसे ठो साइकल हस्तान्तरण करल दलित महिला अधिकार मञ्चके राजेन्द्र रैका बटैलैं ।
यी क्रममे कैलारी गाउँपालिकामे दलित महिला समूह तथा संजालमे आवद्ध महिलाहे २७ ठो ओ गौरीगंगा नगरपालिकाके समूह तथा संजालमे आवद्ध महिलाहे २८ ठो करक ५५ ठो साइकल वितरण करल हो ।
कैलारी गाउँपालिकामे वडा नम्बर ५ के वडा सदस्य अनारकली चौधरी, भलबन्सा श्रीराम कुमाल, मिलन महिला समूहके अध्यक्ष अमरकेती चौधरी ओ गौरीगंगा नगरपालिकामे वडा नम्बर १० के अध्यक्ष पदमबहादुर ऐर, कार्यपालिका सदस्य बिनितादेवी महर, वडा सदस्य मीनादेवी चौधरी, भीष्म चौधरी, समूह तथा संजालके अध्यक्ष लगायतके सहभागीतामे हस्तान्तरण करल रहे ।
