महाकाली लडिया नाघेबेर तुइनसे गिरके १ जाने बेपत्ता
पहुरा |
१५ श्रावण २०७८, शुक्रबार
दार्चुला, १५ सावन । दार्चुलाके ब्यास गाउँपालिका–२, मालघाटमे महाकाली लडिया नघ्ना क्रममे तुइनसे गिरके एक जाने बेपत्ता हुइल बटैं ।
आज (शुकके) बिहान साढे ८ बजेओर महकाली लडिया नघ्ना क्रममे तुइनसे गिरके ब्यास गाउँपालिका–२, मालके अन्दाजी ३० वर्षिय जयसिंह धामी बेपत्ता हुइल जिल्ला प्रहरी कार्यालय दार्चुला प्रहरी निरीक्षक नरेन्द्र चन्द जानकारी डेलैं ।
बिहान ५÷६ जाने स्थानीय तुइनसे महाकाली लडिया पार करल ओ धामी भर गिरके महाकाली लडियामे बेपत्ता हुइल उहाँ बटैलैं ।
बेपत्ता धामीके खोजी शुरु करल बा घटनाके सम्बन्धमे थप अनुसन्धान आघे बह्राइल प्रहरी जनैले बा ।
