खैरो हिरोइनसहित एक पक्राउ

धनगढी, १५, सावन । कैलालीमे प्रहरी लागुऔषध (खैरो हिरोइन) सहित एकजनहनहे पक्राउ करले बा ।

जिल्लाके भजनी नगरपलिका वडा नम्बर ५ स्थित कौवाखेडा घाटमे प्रहरी १२ ग्राम ६३० मिलिग्राम खैरो हिरोइनसहित एकजनहनहे पक्राउ करल हो ।

भारतके उत्तरप्रदेश लखिमपुर खिरी जिल्ला गंगानगर ग्रामपञ्चायत रणनगर गाउँ बैठुइया २५ वर्षीय जितेन्द्र सिंहहे पक्राउ करल जिल्ला प्रहरी कार्यालय कैलाली जनैले बा ।

यूपी ३१ एएफ ८१६७ नम्बरके मोटरसाइकलमे सवार सिंहहे चेकजाँच करेबर लागुऔषध भेटल प्रहरी जनैले बा । उहाँक थप अनुसन्धान हुइटी रहल प्रहरी जनैले बा ।