उपमहानगरपालिकाके कार्यालयमे शिक्षकके रिले अनशन
पहुरा |
१५ श्रावण २०७८, शुक्रबार

धनगढी, १५ सावन । धनगढी उपमहानगरपालिकाके शिक्षकहुक्रे उपमहानगरपालिकाके कार्यालयमे रिले अनसन बैठल बाटै ।
आपन टमान माग सम्बोधन नैहुइल कहटी शिक्षकहुक्रे उपमहानगरपालिकामे रिले अनशन बैठल हुइट ।
शिक्षक व्यवस्थापन करे पर्ना, बालबिकासके तलब संघीय सरकारसे डेहे पर्र्ना, विद्यार्थीहे खोप लगाइ पर्ना लगायतके माग सम्बोधन नैहुइलपाछे अपनेहुक्रे आन्दोलित हुइ परल आन्दोलन परिचालन समिति संयोजक तिर्थराज पाण्डेय बटैर्लै ।
ओस्टके सक्कु शिक्षक ओ विद्यार्थीहुक्रनहे कोरोना भाइरसविरुद्धके खोप डेहे पर्ना माग करल बा । टमान माग रख्टी शिक्षकहुक्रे विगत कुछ महिनासे आन्दोलनरत बाटै ।
