जिप दुर्घटनामे गोसिनीय वेपत्ता, तीन जनहनके अवस्था गम्भीर

पहुरा समाचारदाता
धनगढी, १५ सावन । कैलाली मोहन्याल गाउँपालिका–७ बाँकास्थित चिसापानीसे सोल्टा जैना कच्ची सडकखण्डमे जीप दुघर्टना हुके गोसिनीय गोसिनीय बेपत्ता हुइल बटै ।

शुकके रोज दुपहर करिब साढे १२ बजेओर चिसापानीसे सोल्टा जैना कच्ची सडकखण्डमे नम्बर नइखुलल जीप सडकमे ब्याक कैना क्रममे सडकसे अन्दाजी २५०/३०० मिटर टरे कर्णाली लडियामे गिरके जिल्ला डोटी आदर्श गाउँपालिका वडा नं. ३ काँडे साउले बैठना वर्ष अन्दाजी ४० के चालक चन्द्र प्रकाश जोशी ओ हुकान गोसिनीया वर्ष अन्दाजी ३० के रुवि जोशी बेपत्ता हुइल जिल्ला प्रहरी कार्यालय कैलालीके प्रवक्ता प्रतिक विष्ट जनैलै ।

दुर्घटना हुइल कहिके जिल्ला प्रहरी कार्यालयमे टेलीफोन मार्फत जानकारी प्राप्त हुइटी ईलाका प्रहरी कार्यालय चिसापानी कैलालीसे ६ जानेक प्रहरी टोली खटके घटनास्थलमे खोजतलास करेबेर ३ जाने बच्चा झारीमे फेला परल प्रहरी जनैले बा । घाहिल हुइलमे चन्द्र प्रकाश जोशीके आठ बरसके छाई लक्ष्मी जोशी, दुई बरसके छावा भुवन जोशी, ६ बरसके छाई सावित्री जोशी रहल रहल बटै ।

गम्भिर अवस्था रहल ओइनके उपचारके लाग लाल रत्न अस्पताल लम्की कैलालीमे लैजाके प्राथमिक उपचार पश्चात ठप उपचारके लाग कोहलपुर मेडिकल कलेज नेपालगञ्ज बाँके रिफर करल बा । घाहिल बच्चाहे बुझेबेर उ गाडीमे अपन घर परिवारके ३ जाने भैया बहिनी ओ डाईबाबा करके पाँच जाने रहल रहिट । वेपत्ता दम्पतिहुकनके प्रहरी टोली तथा स्थानियसे घटनास्थलमे खोजतलास कार्य जारी राखल जिल्ला प्रहरी कार्यालय कैलाली जनैले बा ।