थप २२८० कोरोना संक्रमित, १९१६ जाने संक्रमणमुक्त
काठमाडौं, १६ सावन । बिटल २४ घण्टामे नेपालमे २ हजार २ सय ८० जहनमे कोरोना भाइरस संक्रमण डेखाइल बा । स्वास्थ्य तथा जनसंख्या मन्त्रालयके अनुसार देशभर करल पीसीआर परीक्षणमे शनिच्चर थप २ हजार २ सय ८० जहनमे संक्रमण पुष्टि हुइल हो । यीसँगे नेपालमे कोरोना संक्रमण हुइनाके संख्या ६ लाख ९५ हजार ३ सय ८९ पुगल बा ।
अस्टेक एन्टिजेन विधिसे करल ४ हजार २५६ परीक्षणसे ८ सय २६ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १३ हजार ५ सय १९ परीक्षणमे ३ हजार १ सय ६ जहनमे संक्रमण पुष्टि हुइल मन्त्रालय जनैले बा ।
२४ घण्टामे १ हजार ९ सय १६ जाने संक्रमणमुक्त हुइल बटैं । हालसम नेपालमे कोरोनामुक्त हुइनाके संख्या ६ लाख ५४ हजार १ सय ७७ बा ।
नेपालमे कोरोना संक्रमणसे थप २३ जहनके मृत्यु हुइल बा । यीसँगे नेपालमे कोरोनासे मृत्यु हुइलके संख्या ९ हजार ८ सय ५७ पुगल बा ।
मन्त्रालयके अनुसार हालसम पीसीआर परीक्षण ३६ लाख ३ हजार ४ सय ६५ पुगल बा । आइसोलेसनमे ३१ हजार ३ सय ५५ ओ क्वारेन्टाइनमे ३ सय ८० जाने रहल मन्त्रालयके तथ्यांकमे उल्लेख बा ।
