बारबरासे ४ जाने स्वास्थ्यकर्मी सम्मानित

धनगढी, १७ सावन । बारबरा फाउन्डेशन कोरोना महामारीमे फ्रन्टलाइनमे खटल स्वास्थ्यकर्मी, व्यवस्थापक ओ सहयोगीसहित ८० जाने तथा ७ ठो संस्थाहे कोभिड–१९ विशेष सम्मान प्रदान करले बा । यीअन्तर्गत सुदूरपश्चिम प्रदेशके ४ जाने स्वास्थ्यकर्मी सम्मानित हुइल बटैं ।

फाउन्डेशन चिकित्सक विधाओर सेती प्रादेशिक अस्पतालमे कार्यरत वरिष्ठ फिजिसियन डा. निराजनदत्त शर्माहे विशिष्ट सम्मान प्रदान करले बा । अस्टेक नर्सिङओर सेती अस्पतालके स्टाफ नर्स कल्पना विष्ट, व्यवस्थापनओर प्रदेश स्वास्थ्य निर्देशनालयके निर्देशक गुणराज अवस्थी ओ सेती अस्पतालके म्याट्रोन सीमा शमाहे फाउन्डेशन सम्मामित करले बा ।

फाउन्डेशनसे चिकित्सकहे सम्मानसँगे २ लाख ५० हजार, नर्सहे सम्मानसँगे १ लाख ५० हजार ओ व्यवस्थापकहुकनहे सम्मानसँगे २ लाख ५० हजार नगद प्रदान करले बा ।