बेपत्ता १ महिलाके शव फेला
सुर्खेत, १७ सावन । कर्णाली लडियामे डुंगा दुर्घटना हुके बेपत्ता हुइल १ महिलाके शव फेला परल बा । कैलालीके मोहन्याल गाउँपालिका–३ के २२ वर्षिया धनसरी सलामीके शव फेला परल घटनास्थलमे खटल इलाका प्रहरी कार्यालय, सुँगरखाल कैलालीके इन्चार्ज राजेन्द्रबहादुर कुमाल जानकारी डेलैं ।
‘बेपत्ता हुइलहुकनके खोजी कार्य जारी बा, भखर घटनास्थलसे ३ सय मिटर तरे १ महिलाके शव फेला परले बटि,’ इन्चार्ज कुमाल कलैं ।
कैलालीके मोहन्याल गाउँपालिका ओ सुर्खेतके चौकुने गाउँपालिका बीचमे पर्न कर्णाली लडियामे आज बिहान १० बजेओर डुंगा बिलटके १ गर्भवती महिलासहित ३ जाने बेपत्ता हुइल रहैं । उहाँहुक्रे खोप लगाइ कैलालीसे सुर्खेत जाइबेर दुर्घटनामे परल प्रहरी जनैले बा ।
१० जाने सवार रहल डुंगा बिलटके २ जाने घाहिल ओ र पाँच जाने सकुशल उद्धार करल कर्णाली प्रदेश प्रहरी कार्यालयके प्रवक्ता एसपी माधव श्रेष्ठ जानकारी डेलैं ।
घटनास्थलमे सुर्खेतके बाबियाचौर ओ कैलालीके सुँगरखालसे खटल प्रहरी टोली खोजी तथा उद्धार सुरु करल एसपी श्रेष्ठ बटैलैं ।
