थप २,५६८ जनहनमे कोरोना संक्रमण
काठमाडौं, १७ सावन । पाछेक २४ घण्टामे थप २,५६८ जनहनमे कोरोना भाइरस संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार ४०२ पीसीआर परीक्षणमे १९१ ओ ४२३४ एन्टिजेन परीक्षणमे ५८७ सहित २५६८ जनहनमे संक्रमण पुष्टि हुइल हो ।
कोरोना संक्रमणके कारण पाछेक २४ घण्टामे १८ जनहनके मृत्यु हुइल बा कलेसे २०२० जाने संक्रमणमुक्त हुइल बाटै ।
अँट्वारके थपलसंगे नेपालमे कोरोना संक्रमितके कुल संख्या ६ लाख ९७ हजार ३७० पुगल बा । उ मध्ये ९ हजार ८७५ जनहनके मृत्यु हुइल बा कलेसे ६ लाख ५६ हजार १९७ जाने संक्रमणमुक्त हुइल बाटै ।
मन्त्रालयके अनुसार हाल देशभर सक्रिय संक्रमितके संख्या ३१ हजार २९८ जाने रहल बाटै । जौन मध्ये २८ हजार ६३ जाने होम आइसोलेसनमे रहल बाटै कलेसे ३ हजार २३५ जाने संस्थागत आइसोलेसनमे रहल बाटै । कोरोनाके बिरामीमध्ये ६७७ जाने आईसीयू ओ १६९ जाने भेन्टिलेटरमे उपचाररत् रहल बाटै ।
ओस्टके १० बरस टरेक ६० बालबालिकमे कोरोना संक्रमण डेखल बा कलेसे ११ से २० बरस उमेर समूहके १५६ जाने कोरोना संक्रमित थपल मन्त्रालय जनैले बा ।
स्वास्थ्य तथा जनसंख्या मन्त्रालयके अनुसार सबसे ढिउर काठमाडौंमे ५९४, झापामे २०७, कास्कीमे २०४, मोरङमे १९२ ओ ललितपुरमे १६६ जाने कोरोना संक्रमण पुष्टि हुइल बा ।
ओस्टके भक्तपुरमे ९१, सुनसरीमे ८९, रुपन्देहीमे ५२, नुवाकोटमे ३९, चितवनमे २७ तथा जुम्ला ओ सुर्खेतमे २४÷२४ जनहनमे कोरोना संक्रमण डेखल बा ।
सिन्धुलीमे २३, गोरखामे १९, धादिङमे १५ ओ तनहुँमे १० जाने कोरोना संक्रमित थपल स्वास्थ्य तथा जनसंख्या मन्त्रालय जनैले बा ।
