डोटीमे फेन निषेधाज्ञा थपल
डोटी, १८ सावन । जिल्लामे कोरोना भाइरस कोभिड–१९ के जोखिम कायमे रहल निषेधाज्ञाके समयावधि सात दिन बह्राइल बा ।
यहाँक नागरिक कामके लाग प्रायः छिमेकी मुलुक भारतके टमान सहर जैना ओ लौटना क्रममे संक्रण फैलन जोखिम कायमे रहल स्वास्थ्यकर्मीके सुझाउअनुसार जिल्ला कोभिड संकट व्यवस्थापन केन्द्रके अँट्वार बैठल बैठकसे गैल वैशाखसे लागु करल निषेधाज्ञाके समयावधि यिहे सावन २४ गते समके लाग बह्रैना निर्णय करल हो ।
अत्यावश्यक कामबाहेक निषेधाज्ञा उलंघन करल व्यक्तिहे कानूनबमोजिम कारवाही करना निमित्त प्रमुख जिल्ला अधिकारी किरण जोशी जानकारी डेलैं । जिल्लामे निषेधाज्ञाके समयमावधि थप करल यी नवौँ चो हो । केन्द्रसे आन्तरिक सार्वजनिक सवारी साधन सञ्चालन करना, बिहान ६ बजेसे रात ८ बजेसम पसल खोल्न ओ बैंक तथा वित्तीय संस्थाके हकमे प्रत्येक दिन बिहान १० बजेसे दिनके १ बजेसम स्वास्थ्य मापदण्ड पालना करके सञ्चालन करे डेना दिने निर्णय करल बा ।
विकास निर्माणके काम ओ ओम्ने प्रयोग हुइना यातायातके साधन मापदण्डअनुसार सञ्चालन करे पैना हुइल बा । निषेधाज्ञाके अवधिमे होटेल, रेष्टुरेन्ट, सैलुन, व्युटीपार्लर, जीम हल सञ्चालन करना ओ भिडभाड हुइना कौनो फेन मेरिक कार्यक्रम फेन करे नैपैना जारी सूचनामे उल्लेख बा ।
जिल्लामे कोरोनाके सक्रिय संक्रमितके संख्या एक हजार ४०० से ढेर पुगल ओ यिहिनसे हालसम ११ जाने ज्यान गुमा सेकल बटैं ।
