पाँच गोलियासहित एक पक्राउ

पहुरा समाचारदाता
धनगढी, १८ सावन । पाँच गोलिया कठुवा, ट्याक्टर सहित एक जाने पक्राउ परल बटै ।

सोम्मारके रोज साँझ पाँच बजे कैलाली गोदावरी नगरपालिका–२ तेघरी महरा कटानस्थित कच्ची सडक खण्डमे पुर्वसे पश्चिमओर जैटी रहल से १ त ५०१३ न. के ट्रयाक्टरहे चेकजाँच करेबेर अवैध सखुवक पाँच ठो गोलिया फेला परल जिल्ला प्रहरी कार्यालय कैलाली जनैले बा ।

ट्रयाक्टरसहिट चालक जिल्ला कैलाली गोदावरी न.पा. ३ बैठना बर्ष ३४ के राम बहादुर चौधरी पक्राउ परल बटै । बरामद गोलिया कठुवा, ट्रयाक्टर ओ चालकहे नियन्त्रणमे लेके ईलाका प्रहरी कार्यालय मालाखेतीेमे नानके आवश्यक कारबाहीके लाग सव डिभिजन वन कार्यालय अत्तरिया पठैना जिल्ला प्रहरी कार्यालय कैलालीके प्रवक्ता प्रतिक विष्ट बटैलै ।