विद्युत् प्राधिकरणके कार्यकारी निर्देशकमे कुलमानहे नियुक्त कैना प्रधानमन्त्री देउवाके निर्देशन
काठमाडौँ, १९ साउन । प्रधानमन्त्री शेरबहादुर देउवा कुलमान घिसिङहे नेपाल विद्युत् प्राधिकरणके कार्यकारी निर्देशक नियुक्तिके प्रक्रिया आघे बह्रैना निर्देशन डेले बाटै ।
प्राधिकरणके कार्यकारी निर्देशक पदमे घिसिङहे नियुक्तिके प्रक्रिया आघे बह्रैना प्रधानमन्त्री देउवा ऊर्जा, जलस्रोत तथा सिँचाईमन्त्री पम्फा भुसालहे निर्देशन डेहल प्रधानमन्त्रीके सचिवालय जनैले बा । हाल प्राधिकरणके कार्यकारी निर्देशकमे हितेन्द्रदेव शाक्य रहल बाटै ।
मंगरके ऊर्जामन्त्री भुसाल प्रधानमन्त्री देउवाहे भेटके शाक्यके कार्यसम्पादन सन्तोषजनक नैरहल कहटी प्रधानमन्त्री देउवाहे ब्रिफिङ करल रही । ओकरपाछे देउवा शाक्यहे राजीनामे करे लगाके घिसिङहे नियुक्तिके प्रक्रिया सुरु कैना निर्देशन डेहल रहिट ।
नेपाल विद्युत् प्राधिकरणके कार्यकारी निर्देशकके रुपमे चार बरस काम कैके उहाँ २०७७ साल भदौमे सेवानिवृत्त हुइल रहिट । प्राधिकरणमे रहेबर उहाँ लोडसेडिङके अन्त्य, चुहावट नियन्त्रणमे सफल हुइल रहिट ।
