दार्चुला पुगल छानबिन समितिसे छलफल सुरु
काठमाडौं, २० सावन । जयसिंह धामी बेपत्ता हुइल घटनाबारे अध्ययन कैना गठित छानबिन समितिसे अपन काम सुरु करले बा । मंगरके दार्चुला पुगल समितिसे साँझ जिल्लास्थित सुरक्षा निकाय ओ घटनास्थलमे खटल सुरक्षाकर्मीसंग छलफल करल हो ।
गृह मन्त्रालयसे घटनाबारे छानबिन कैना मन्त्रालयके सहसचिव जनार्दन गौतमके संयोजकत्वमे गठन करल समिति दार्चुला पुगके निरन्तर छलफलमे जुटल बा । समितिसे घटनास्थलमे खटल सुरक्षाकर्मी तथा जिल्लास्थित सुरक्षाकर्मीसंग छलफल सेकल बा । जिल्ला प्रशासन कार्यालय दार्चुलासे घटना सम्बन्धमे वास्तविक सत्यतथ्य छानबिन कैना सशस्त्र प्रहरी बल नेपाल नं ४४ गणके प्रहरी नायब उपरीक्षक वीरसिंह धामी, जिल्ला प्रहरी कार्यालय दार्चुलासे प्रहरी निरीक्षक नरेन्द्रबहादुर चन्द ओ राष्ट्रिय अनुसन्धान जिल्ला कार्यालयके विक्रमसिंह ढाँडसहितके टोली स्थलगत खटल बा ।
ओस्टेक समितिसे बुधके जिल्लास्थित पत्रकार, मानवअधिकारकर्मी, राजनीतिक दल ओ जनप्रतिनिधिसंग छलफल करल सहसचिव गौतम जानकारी डेलै । ओस्टेक समितिसे प्रत्यक्षदर्शीसँग सोधपुछ करटी रहल बा ।
टोलीहे १० दिनभिटर छानबिन प्रतिवेदन बुझैना कहल बा । समितिमे सुदूरपश्चिम प्रदेशके प्रहरी नायब महानिरीक्षक पुरुषोत्तम कँडेल, राष्ट्रिय अनुसन्धान विभागके निर्देशक हुतराज थापा, सशस्त्र प्रहरी बलके प्रहरी वरिष्ठ उपरीक्षक सुरेशकुमार श्रेष्ठ ओ दार्चुलाके सहायक प्रमुख जिल्ला अधिकारी ज्योत्स्नता भट्ट सदस्य रहल बटै ।
नेपाली भूभागसे भारत प्रवेश करे लागल बेला भारतीय सीमा सुरक्षा बल एसएसबीके दुई जवान तुइन निकारडेहल ओ धामी महाकाली लडियामे गिरल प्रत्यक्षदर्शी बटैटी आइल बटै । मने भारतीय प्रशासनसे एसएसबीसे गस्ती करल स्वीकार करलेसेफे तुइन नइकाटल दाबी करले बा । छानबिन समितिके प्रतिवेदनअनुसार केल सरकार आवश्यक निर्णय लेना जनैले बा ।
उ टोली घटनाके प्रत्यक्षदर्शीहुक्रे् कल्यानसिंह धामी, अनिता धामी, विक्रम रङ्कोलीहे खलङ्गा पुगैले बटै । प्रत्यक्षदर्शीहे सोम्मारसे प्रहरीके निगरानीमे धारल बा । ओइनहे पत्रकारसंग भेटघाट करे नइडेहल हो ।
जयसिंह धामी सावन १५ गते गाउँसे सदरमुकाम खलङ्गा अइना क्रममे एसएसबीसे तुइन निकारडेहलपाछे बेपत्ता हुइल स्थानीयवासीके कहाई बा । बेपत्ता धामीके शव अभिन नइभेटल हो ।
सरकारहे सक्कुहुनके सहयोग हुई परलः गगन थापा
नेपाली काँग्रेसके नेता गगनकुमार थापा दार्चुलामे हुइल घटनामे सरकारहे सहयोग करे पर्नामे जोड डेले बटै । बुधके पत्रकारहुकनसंगके बातचितमे उहाँ नागरिकके जीवन रक्षा कैना सरकारके मुख्य दायित्व रहल ओरसे यी घटनामे सक्कु दल एक्के ठाउँमे हुई पर्ना ओ संसद्के तागत सरकारहे सुम्पे पर्ना बटाइल हुइट ।
नेता थापा कहलै, “नेपालके चुच्चे नक्शा सार्वजनिक करेबेर संसद्के तागत ओ सक्कुहुनके सहयोगसे सम्भव हुइल रहे। उ तागत फेरसे दार्चुला घटनाके छानबिनके लाग देहे परल ।, उहाँ भारतीय सुरक्षा बलसे तुइन काट्ेबेर एक युवा लडियामे बेपत्ता हुइल खबर सार्वजनिक हुइल रहे ।
अघिल्का सरकारसे संसदमे छलफल नइक।के गठन करल भूमिसम्बन्धी समस्या समाधान आयोग खारेज कैना सकारात्मक कदम हुइm कहटी उल्लेख करटी उहाँ , “सुकुम्बासी समस्या समाधानके लाग सरकार न्यूनतम साझा कार्यक्रम बनाके आघे बह्रे परल ।”
फरक प्रसङ्गमे नेता थापा कांग्रेसके महाधिवेशन संविधान ओ कानूनसे डेहल समय ओ सीमाभिटर रहिटके सम्पन्न करे पर्नामे जोड डेलै । पार्टीभिटरके विवाद नइसुल्झलेसे फेरः केन्द्रीय समितिमे नाने पर्ना आवश्यकता औल्यइटी उहाँ विवाद समाधानके लाग केन्द्रीय समितिके बैठक बोलैना कहल बैठक नइबोलैना मने समय घर्कलपाछे महाधिवेशन हुई नइसेकी कहे नइपैना धारणाफे व्यक्त करलै । पार्टी सभापति ओ पदाधिकारीसे महाधिवेशनके लाग नयाँ कार्यतालिका नाने पर्नामे उहाँ जोड डेलै ।
भारत सार्वजनिक रूपमे क्षमायाचना करे परीः माओवादी केन्द्र
माओवादी केन्द्रसे दार्चुला घटनामे भारतसे सार्वजनिक रूपमे माफी मागे पर्ना बटैले बा । राष्ट्रिय सभा सदस्य नारायणकाजी श्रेष्ठसे भारतीय सीमा सुरक्षा बल (एसएसबी) से तुइन काटडेके जयसिंह धामी बेपत्ता हुइल घटनामे भारत क्षमायाचना करे पर्ना बटाइल हुइट ।
बुधके राष्ट्रिय सभाके बैठकमे नेता श्रेष्ठ कहलै, ‘दार्चुला घटनामे भारत अविलम्ब नेपाल ओ नेपाली जनतासमक्ष सार्वजनिक रुपमे क्षमायाचना करे परठ ।’
ओस्टेक उहाँ नेपाल सरकारसे बनाइल छानबिन समितिसेफे तत्काल सत्यतथ्य पत्ता लगाके दोषीहे कारबाही ओ पीडितहे राहतके व्यवस्था करे पर्ना माग करलै । उहाँ आबके दिनमे ‘हेपाहा प्रवृत्तिके काम नइकैना’ भारतहे चेतावनीफे डेले बटै । पछिल्का घटनाके कूटनीतिक पहलसे समाधान निकर्ना प्रयास मजा हुइलेसेफे छानबिन समितिके रिपोर्ट हालीसे हाली सार्वजनिक करके भारतसमक्ष गम्भीर विरोध जनाई पर्ना श्रेष्ठके माग बा ।
‘छानबिन समितिके रिपोर्ट नानके भारत सरकारसंग हालीसे हाली गम्भीर विरोध जनाई परी ओ दोषीहे कारबाहीके माग तथा पीडित परिवारहे तत्काल राहत ओ क्षतिपूर्तिके व्यवस्था करे परी उहाँ कहलै ।
ओस्टेक उ घटनासे नेपाली जनतामे पीडा उत्पन्न हुइल श्रेष्ठ बटैलै । ‘नेपाली जनतामे यी मेरिक अमानवीय ओ क्रुर घटनासे जौन पीडा पैदा हुइल बा । उ पीडासे देशभक्तिके बाँध भत्काके अपनही प्रतिकार ओ प्रतिवादमे अइना कार्य ठीक नइहुई । टबमारे सरकार यी विषयहे तत्काल सम्बोधन करेपरी उहाँ कहलै ।
